UNDANGÓÐKENNING SAMBÝLI Í REYNSTÚNI Landsverk (hereftir ”Byggiharri”) heitur hervið á tykkara fyritøku at søkja um undangóðkenning til at geva tilboð uppá omanfyristandandi uppgávu. Tað verður kunnað um, at tríggjar fyritøkur verða bodnar at geva tilboð. Samsýning á 70.000 kr. verður givin fyritøkunum, sum geva tilboð við einari samlaðari meting yvir miðal. Samsýningin hjá fyritøkuni, sum fer at gera ráðgevarasáttmála við byggiharran, verður roknaða sum partur av samlaðu ráðgevarasamsýningini. Lýsing av uppgávuni Nýtt sambýli skal eftir ætlan byggjast á matr.nr. 4cl, 4cm og 4bs á Argjum, og fevnir tað um bæði bygning, atkomu, parkeringsøki og uttanumøki. Byggjast skal eitt sambýli á umleið 1200 - 1300 m² helst í einari hædd. Sambýlið skal líkjast einum privatum heimi og skal tískil fella væl inn í bústaðarumhvørvið, ið liggur upp at byggiøkinum. Sambýlið er býtt sundur í eindir, og skulu einstøku eindirnar ikki órógva hvørja aðra í dagligdegnum, men heldur stuðla upp undir virksemið í hvørji einstøku teirra. Fígging: Samlaði fíggjarligi kostnaðurin fyri verkætlanina er 35 mió.kr. Eingin verklagslóg fyri verkætlanin fyriliggur í verandi løtu – sí frágreiðing undir Tíðarætlan. Útboðstilfar til undangóðkenning Útboðstilfarið til undangóðkenningina er frítt atkomuligt gjøgnum talgilda samskiftispallin hjá Byggiharra á: https://www.ibinder.com/External/EnquiryLink.aspx?id=nrmmceokpn Tað er gjørligt hjá brúkarum av iBinder at tilluta loyvi til at síggja útboð gjøgnum iBinder. Vegleiðing er eisini at finna á www.iBinder.com. Spurningar og support til samskiftispallin iBinder kunnu vendast til: Marjun Olsen Lützen telefon 290 880 teldupost malu@lv.fo Helgi Johannesen telefon 290 873 teldupost hejo@lv.fo Umsóknarfreist og innlatingar adressa: Umsóknir til undangóðkenning skulu latast inn talgilt gjøgnum samskiftispallin hjá Byggiharra, sum er iBinder. Innlating av umsóknum fer fram við at uppsenda samlaðu umsóknina til skiljiblað “Umsókn”, inni í samskftispallinum iBinder. Vísast skal til vegleiðingina á heimasíðuni hjá iBinder: https://www.ibinder.com/pub/dk/filmklip.aspx undir “Digitalt udbud”. Umsóknir til undangóðkenning skulu handast í síni heild í seinasta lagi: Mánadagin 29. okt. 2018, kl. 14.00 Kunnandi verður freistin eisini ásett í iBinder. Umsóknir sum koma inn eftir hesa freist verða ikki tikin við til metingar. Upplating av tilboðum Umsóknir verða latnar upp á iBinder innlatingardagin klokkan 14.00. Spurningar Spurningar skulu setast á føroyskum og í iBinder undir skiljiblað “Spurningar og svar”. Spurningar skulu setast í seinasta lagi týsdagin 16. okt. 2018 og 14.00. Spurningar verða svaraðir skrivliga og dulnevndir. Svar verða atkomulig fyri allar tilboðsgevarar á iBinder í seinasta lagi fríggjadagin 19. okt. 2018.

Sí útboðstilfar

Tinghúsvegur 5 100 Tórshavn

MAP, ZETA, ARK99, SNA