Kæra um keyp av innbúgvi

 
Viðvíkjandi kæru frá Idé Møblum mótvegis Almannaverkinum
 
Løgmansskrivstovan hevur sent kæru frá Idé Møblum mótvegis Almannaverkinum um keyp av skrivstovuinnbúgvi til Fíggjarmálaráðið til endaliga avgreiðslu. Fíggjarmálaráðið hevur við­gjørt kæruna í samráð við toymið, sum er skipað sambært punkt 7 í rundskrivinum um keyp av vørum og tænastum, og niðurstøðan er soljóðandi:
 
Almannaverkið átti at havt tryggjað sær, at partarnir høvdu skilt hvønn annan, áðrenn avgerð varð tikin um tilboðini. Almannaverkið átti at havt tikið av tilboðnum frá Idé Møblum, tí tað kann ikki sigast, at stórvegis munur er á sniðinum, men prísmunurin var stórur. Almannaverkið kundi allarhelst havt tikið nýggja avgerð í málinum, tá ið Idé Møblar bað Almennaverkið um hetta, men  nú er so langt fráliðið, at tað ber neyvan til at broyta avgerðina, uttan at hetta fær stórar fíggjarligar avleiðingar fyri Almannaverkið. Vit kunnu tí ikki annað enn læra av mistøkunum, sum eru gjørd í hesum tilboðsfyrispurninginum, soleiðis at tey ikki henda aftur.
 
Gongdin í málinum og viðmerkingar til málið er lýst nærri her: Kæra frá Idé Møblum mótvegis Almannaverkinum.pdf 

Gjaldstovan | Kvíggjartún 1 | FO-160 Argir | Tel: +298 35 24 00 | Fax: +298 35 24 01 | gjaldstovan@gjaldstovan.fo | EAN 5797100000010 | V-tal 343269